طفل اعمي .. عاش فنان فقير .. مات تحت ركام بيته و دلوقتي صوته ساكن بين النجوم - Blind Willie Johnson

البلوز

البلوز من اهم الالوان الموسيقية لانه يعتبر اللون الموسيقي الام او الشجرة اللي بتتفرع منها كثير من الالوان الموسيقية المعاصرة اللي بنسمعها حاليا. زيادة عن الجاز و الروك، بما ان الفانك اتأثر بالبلوز فنقدر نلمس فضل البلوز في وجود الهيب-هوب.

كنت اعرف بس شوية اسامي من فنانين الـfolk اللي اتأثروا بالـblues زي nick drake و bob dylan و شوية اغاني من الـpre-war era زي devil got my woman و me and the devil blues .

لحد ما في وقت صعب، لقيت حاجة لمست قلبي. 

اغنية Trouble will soon be over.

Trouble will soon be over,

Sorrow will have an end.

اغنية Lord I can't just keep from crying

Lord, I just can't keep from crying sometimes

Lord, I just can't keep from crying sometimes

When my heart's full of sorrow and my eyes are filled with tears

Lord, I just can't keep from crying sometimes

My mother often told me, angels bonded your life away

She said I would accomplish, but trust in God and pray

I'm on the King's Highway, I'm travelin' everyday

للفنان Blind Willie Johnson

 

ويلي جونسون .. السلايد جيتاريست كان بيلعب اغاني gospel دينية مسيحية علي ارصفة تكساس.

كان بيغني بصوت شجي و خشن -اللي اخشوشن من صعوبة الايام- بروح -متفائلة اوقات و يائسة اوقات-، اغاني متأرجحة بين الامل و الايمان .. اليأس و الإحباط. بتعبر عن طفولته الصعبة و قصته المأساوية.

و هو طفل امه ماتت، في السابعة من عمره ابوه و هو بيتخانق مع مراته اللي اتجوزها بعد ام ويلي، رمت عليه مياة كلور لم تصيب الاب لكنها اصابت عين ويلي.

قبلها بسنتين كان بيتعلم علي ايد قس عزف الجيتار، و صنع بنفسه جيتار من علبة السجائر cigar box guitar.

لجأ بعدها الي لعب الجيتار علي الارصفة، و كانت الوسيلة الوحيدة اللي بيجيب بيها لقمته.

في عام ١٩٢٧ انتجتله شركة Columbia Records اول ٦ اغاني من مجموع ٣٠ اغنية كتبهم خلال حياته، لكنه ماسجلش اي حاجة بعد ١٩٣٠.

في سنة ١٩٤٥، بيته ولع و احترق بالكامل، عاش هو و مراته التانية 'انجلين' تحت ركام منزله المحترق ؛لأنه ماكانش عنده اي مكان تاني ينام فيه، خصوصا تحت شمس صيف تكساس المحرقة.

اصيب بالتهاب رئوي و مات بعديها ببضعة اسابيع.

فنانين كتير زي (Eric Clapton, Bob Dylan, Ry Cooder ,Peter Paul حتي Sinead O' Conner و غيرهم..)، غنوا اغاني ويلي جونسون الشجية.

تم جمع بعضها في البوم باسم God don't never change: 'The Songs of blind Willie Johnson

من الفنانين الضيوف : Tom Waits و Derek Trucks و Luther Dickinson و فنانين تانيين.

صوت يصعد الي النجوم

عام ١٩٧٧ اطلقت وكالة ناسا المسبار الفضائي voyager 1.

كان بيحمل اسطوانة ذهبية، علي امل اذا وجدها اي كائنات خارجية، تكون افضل رسالة ترحيب و "احلي سلام و تحية علي الكائنات الفضائية".

بتحمل الاسطوانة بعد التحية بكل لغات البشر، و صور عن الحياة علي سطح الارض.

اغنية Dark was the night - cold was the ground لـويلي جونسون.

https://www.youtube.com/watch?v=BNj2BXW852g

اغنية بدون كلمات، بس الـsliding strings و صوت همهمته الجميل.

ملقاش طاقم ناسا غير الاغنية دي عشان تعبر للكائنات الفضائية عن شعور الانسان .. بالوحدة.

RIP BLIND WILLIE JOHNSON

[1897- 1945]

How to get into Metal \ إزاي تبدأ تسمع ميتال ؟

الميتال جانرا كبيرة جدا وفروعها كتيرة ومختلفة وده بسبب المنافسة بين الفرق والطاقة الابداعية الي ادت الي تطور الجانرا لاشكال تختلف كتير عن الصوت اللي بدأت بيها الفرقة دي خريطة للتطور ده

 

10 years can do a lot to egyptian young

ملحمة "شواحة و المزة" ..العبقرية الكلامية و الخيال الجنسي

العبقرية الكلامية و الخيال الجنسي في شواحة و المزة

مدي طرافة القصة اللي بتعبر عن قوة و تمرد شواحة، القافية و الرتم مع التباهي بالقوة و الدعارة و الخيال الجنسي، في اغنية ما هي الا خيال خصوصا ان شواحة شكله -بدون تجريح- مش من النوع المفضل للنساء.. يخلوا مهرجان "شواحة و المزة" من الاعظم علي الاطلاق.

و دي بت و عينها عليا

قطراني بنت الجنية

مش عايزة تحل تسيبني

و لا في رايحة ولا الجاية

و تقولي بصراحة اقولك

عاجباني يا شواحة رجولتك

تعرف من يوم ما عرفتك

و في قلبي اتحفظت صورتك

خدتها ورايا عالمكنة

و معايا مفاتيح المُكنة

و قالت مش عايزين دكنة

تعلالي بالليل علي بيتنا

قمت بالليل روحتلها

اتسحبت طلعتلها

و عملت وا عالرايق

و اخوها جالنا علي صريخها

ز قالت لاخزها ده حرامي

روح هاته بسرعة يا سامي

سامي جري علي تحت

انا قمت قلعت قلعت

عملت الواحد التاني

الموضوع ده شايفه يضاهي و يتفوق خيال كندريك لامار الجنسي اللي بيحلم في اغنية backstreet freestyle انه يبقاله عضو اطول من برج ايفل في الاول و الاخر ده مجرد حلم!

مقابل جرأة شواحة اللي ماكفاهوش الواحد اللي عمله ولا همه اهل الحتة اللي اتجمعوا، مامنعوش انه يعمل الواحد التاني.

https://m.soundcloud.com/shams-eldin-798614670/2018-1

How to get into Abyusif ?

How to get into Abyusif ?

ازاي تبدأ تسمع ابيوسف ؟

Antony and the Johnsons - I Am Bird Now "لا تقتل عصفورا"

"يمكنك قتل كل العصافير التي تريد لكن تذكر ان قتل العصافير خطيئة"

-هاربر لي، من رواية "لا تقتل عصفورا ساخرا/To Kill A Mockingbird"

مغني الفرقة انتوني اللي غير اسمه الفني لـAnohni لاحقا بعدما غير جنسه من ذكر لانثي.
انوني اذهلني من اللحظات الاولي من الالبوم في "Hope there's someone" بصوته المنتحب و نغمة الـvibrato اللي بيعملها في فوكالز متعددة الطبقات.

Hope there's someone who'll take care of me
When I die, will I go?
Hope there's someone who'll set my heart free
Nice to hold when I'm tired
كأنها سرينة إستغاثة. https://m.youtube.com/watch?v=8b5HHRT8xvw
There's a ghost on the Horizon
When I go to bed
How can I fall asleep at night
How will I rest my head?

مثيرة للاهتمام حالة الاصرار و الرغبة لكسر طبيعته و جنسيانيته .طول الالبوم انوني بيعيش حلم واحد بس, انه يبقي ست! بيصبر نفسه هو و امثاله من العابرين جنسيا انه بكره اكيد هيبقي بنت و ست جميله رغم انه دلوقتي لساه ولد.

جو مربك ملئ بالامساخ المتحولة خلاني محتار. حيث ان اللي بيغني بصوت انثوي جميل هو ذكر متحول، البنت الجميلة علي الـalbum art هو ممثل متحول ظهر في فيلم لاندي وارهول, و الصوت الذكوري في free at last هو سيدة متحولة و المرأة المتمايلة في Spiralling هي برضه ذكر.

لحظة انهيار "جاري" عم لمتحول جنسي اللي كبره لما شافه اول مرة في جسم مش جسمه https://www.youtube.com/watch?v=r6AQ_85U7Q0

انوني مدرك شعور الالم و الانفطار اللي بيسيبه المثلي عند اهله. ما بين الحرية و الشعور بالعار و الخزي بيعبر انوني عن الصراع اللي جوا ارواح المثلي المعذبة كتوسل طفل لابوه في Man is the baby عشان يتقبله بقدره.

Forgive me, Let live me
Set my spirit free

Losing, it comes in a cold wave
Of guilt and shame all over me
Child has arrived in the darkness
The hollow triumph of a tree

Forgive me, Let live me
Kiss my falling knee
Forgive me, Let live me
Bless my destiny

اسمع: https://m.youtube.com/watch?v=UIJyxhdUkLg

بعد حالة الخوف و الضعف بيواسي المثلي Boy George صديقه و معجبه الصغير انوني في اغنية you are my sister و يطمنه بتحقيق حلمه المحرم.

You are my sister
And I love you
May all of your dreams come true

موسيقي حب و سلام باروكية جميلة و سهلة تسمعها لو انت مستمع عادي او معجب بـAdele. مقدرش اتجاهل التعاون الموسيقي مع Lou reed و جيتاره في fistful of love.

بعد جيتار lou reed في spiralling مستمرة في كلماتها الرائعة بتأنب حظها السئ او بتعاتب ربها اللي خلقها في حياتها المسمومة ولا رضي يخلقها لا بنت ولا جوهرة لكن مجرد "ولد" تافه!

بينتهي الخوف و الليالي الباردة و تفرد انوني جناحاتها للعالم في Bird Gurl و تعترف بحلم حياتها.

انا عصفورة بنت و بنات العصافير بيعرفوا يطيروا!
انا عصفورة بنت و بنات العصافير بيطيروا!

مهما كان رأيك و وجهة نظرك في مسألة المثليين لكن الفنانين اللي زي انوني بيحطونا قدام حقيقة. ان الناس اللي مش مقتنعين بجسمهم اللي اتولدوا بيه Anohni (متحول جنسي), Sufjan Stevens (مثلي)، Frank Ocean (كوير) حتي في مصر الفنانة حنان الطويل اللي عملت دور ميس إنشراح في فيلم الناظر (متحولة جنسية).
انهم موجودين و بيطلقوا طاقتهم الإبداعية و هي خطيئة لو قتلناها.

"العصافير الساخرة لا تفعل شئ إلا الغناء لنستمتع به, هم لا يأكلون حدائقنا و لا تبني اعشاشا فوق اسطحتنا لذلك هي خطيئة انت تقتل عصفورا ساخرا"
-هاربر لي

Antony and the Johnsons - I Am Bird Now
2005
Art Pop, Soul
10/10

اسمع :https://open.spotify.com/album/0hiJeb1ycFFXyW12j61sfB

Luna Abu Nassar ‎- دوامة \ מערבולת

بالعربية و العبرية في ثمان اغان،

بتفسر الفنانة لونا ابو نصار من مدينة الناصرة -و تسكن الان تل ابيب- احلامها سلسلة من الاحلام المظلمة، الماء هو ضيف كل حلم فيهم.

قبل ما تصدر البومها الثاني دوامة \ מערבולת في ٢٠١٧,

 

 في ٢٠١٣ كان الـdebut "אספר לך أحكيلِك" اللي كان typical 00's alternative/indie، الروك الالفيناتي زي "بنت مين" اللي بتفكرني بـyeah yeah yeahs.

 الا ان كلامتيا بتنضم لبقية الفنانين المستقلين في الشام (ياسمين حمدان، مشروع ليلي و ربي شمشوم..الخ)

لكن بتمتاز عليهم إنتاجيا بعملها مع المنتج و الموزع الإسرائيلي Dror Rotem اللي بيضيف عينات concrete من الحياة اليومية للانتاج الكهربي زي ما المنتج العبقري nigel godrich ما كان بيضيف percussion معمول من الحلل و المصفي و الاواني مع فرقة atoms for peace.

بتقرر تنتج البوم عشان تحاول تسرد و تفسر الاحلام الغريبة اللي بتراودها من فترة، الماء بيكون ضيف كل حلم. (تسونامي، دوامة في بحر..الخ). Rotem بيربطهم بنفس الـconcept..الماء.

لونا بتربط الاحلام بإزماتها الشخصية و حيرتها في اتخاذ القرار و الصراع الداخلي، 

في "سؤال"

كل يوم بسأل نفس السؤال

عن شو عم دور في النهاية

و بتكمل سرد الصراع الداخلي ده في بركي بتخير نفسها، هل تفضل تحت المياة و لا تطلع راسها برة المياة. و ده يبقي الصراع الفلسفي الازلي داخل الانسان هل الاحسن للانسان يفضل في الcomfort zone ولا يواجه الحقيقة ؟ الحباية الزرقاء ولا الحمراء ؟

فوق ولا تحت ؟

بركي اخلي راسي تحت الماية شوي

و لا كأن في شي بيستناني

كل شئ تمام هدية

اواجه ولا اتجاهل ؟

اتحدي ولا اتنازل ؟

فوق ولا تحت ؟

معظم اغاني الاصدار جميلة و مثيرة للاهتمام زي "يوم من الايام" و "E" ، لكن "kishoof" بتحمل نغمة جميلة و غامضة بتفكرني باغاني الـslowcore زي the star is just sun او تحفة undersea لـthe antlers.

زباول حاجة عجبتني انتاجيا، البوم هادئ خال من الـdistortion، برغم المؤثرات الالكترونية لكن العناصر الالكترونية تكاد تنحصر في "Ot" ده لان الموزع الشاطر Rotem استخدم عناصر مسجلها من ادوات و معدات يومية و ووزعها الكترونيا عشان ترافق الجيتار و البيانو في جولة وحيدة داخل غابة مقفرة.

تاني حاجة و هي اضافة اصوات محيطية ambiental بتخدم الجو المعتم sombre و البارد و الغامض للاحلام.

صوت قطرات الماية و صوت زق حبل المرجيحة اللي كان في اول اغنية سؤال اللي خلتني اتشد للالبوم من اول لحظة.

Luna Abu Nassar - دوامة \ מערבולת

2017

Alternative, Electronic, Slowcore

3.5/5

اسمعه: https://lunaabunassar.bandcamp.com/album/--2

Natacha Atlas - Gedida (1999)

 

 

Natacha Atlas - Gedida (1999)

ناتاشا اطلس - جديدة (1999) 

 

 بلجيكية بهوي مصري
"ناتاشا اطلس" في رحلتها للبحث عن جذورها عملت 9 البومات من اجمل و انجح تجارب المزج الكثيفة بين الموسيقي الشرقية و الغربي اللي سمعتها علي الاطلاق, مزج الstrings و الالات الشرقية بالdrum n'bass و الاليكترونيك.

اتولدت لاب بلجيكي من اصول مصرية يهودية في الحي المغربي في بروكسل اتعرفت هناك علي الموسيقي الشمال افريقية بما فيهم الشعبي و الطرب المصري. جو التنوع الثقافي خلاها تتعلم الفرنسية -اللغة الرسمية-, الانجليزية, الاسبانية و العربية. في السبعينيات انتقلت لبريطانيا بعد انفصال والداها.انضمت لفرقة ترانسجلوبل أندرجراوند لكن احساساها بالغربة في المجتمع الإنجليزي خلاها تقرر الانفصال عنهم وتنتقل لليونان و تركيا في عمر 17 و تشتغل راقصة شرقية بعد كدة بدأت الصولو كارير بتاعها بالبوم diaspora.

البوم "جديدة" بيسيبك في حالة ذهول و استغراب بانطباع إيجابي, لانه مش مجرد البوم عايز يدي شعور الغرابة و الexoticism و الجو الصحراوي للمستمع الغربي, لكن بيدل ان اللي عامله مذاكر و عارف الموسيقي المصرية كويس خصوصا المشهد السبعيناتي من حيث الكيبورد و الجيتار في "بحلم". افتخار ناتاشا بلغتها العربية و اصرارها انها تغني بيها رغم كسرها، خلاها تصدر الالبوم كله بالمصري ماعدا "Mon Amie la rose" كانت بالفرنسية و المصرية و اللي نجحت في اوروبا عكس الاغاني المصرية, استغلال الاوتار او الموسيقي الاوركسترالية و الالات التراثية الشرقية زي (الناي و القانون و المزمار الصعيدي...) في "عقبة" و "مستنيك" و مزجها بالالكترونيك لتأليف الحان شرقية مش مجرد تطعيمها في الحان غربية و catchy خلاص. يحسسك انه البوم لنجاة بس لخواجاية جاية زيارة معبد ابو سمبل.

زي ما تطرق الالبوم لمواضيع سياسية باسلوب الهيبهوب المشابه لa tripe called quest في "بسطت". و الحروب بسبب طبيعة اواخر التسعينات و الانتفاضة الفلسطينية في "كفاية". لكن و الاهم عبرت عن ادمية المواطن العربي اللي مش كل همه يقضي علي الكيان الصهيوني، لكن برضه عايز ينبسط و يحلم و ينيك.

من اجمل الاغاني غناها لفارس احلامها في "بحلم".

و بيرجع بيا تاني
علشان التقي بزماني
علي وعد انه هييجي تاني
و يصحيني في احلامي
https://www.youtube.com/watch?v=-Q73pe7uNiY

بتبعت رسالة حب للوطن العربي في "إزاي" بالاوتار و السينث لحد ما تسيبك مع مفاتيح البيانو في حالة سلام داخلي.

إزاي اوصفلك حبنا إزاي اوصفلك حبنا
الحب ده بحر الحياة الحب ده بحر الحياة

تاني تاني تاني بشوف في عينيك اماني
و يعود الحلم دايما في ابهي صورة تاني

نلمس بشرة جلدنا و لا يفهم ايه لون الخدود
و لا يعرف من فين اصلنا من ادم كلنا مولود

https://www.youtube.com/watch?v=2HwW6folK3U

قوليلي انتي إزاي جبتي الكلمات دي؟!

مفيش اغنية هيجتني بالعربي بعد ايام الميلودي غير "مهلبية".
اهات ناتاشا علي الطبلة و البايس الغربي في ايحاءات جنسية صريحة.

اه! اه! اه! اه!
عايز مني ايه ؟! قلي انت ايه؟!
وجعت راسي انت! غلبت راسي انت!
يا مغلبني يا محيرني !

انت تروح و تيجي و تروح و تيجي!
و تقلي انت اديني! و تقلي انت اديني!

انا عايزة اشرب الحب من قلبك
انا عايزة اشرب الحب من شفايفك

و چو كايرو بيقولها:
طول اليوم كل يوم!
نازلة تحت نازلة تحت!
طول اليوم كل يوم!
اف اح اف اح!
https://www.youtube.com/watch?v=kebrzMXm7RY

بعد كل ده طبعا شرطة الاخلاق منعت الالبوم في مصر. و رغم محاولتها في حذف الاغنيتين و اعادة اصدار الالبوم مقدرتش توصل لقلوب المصريين اللي كانت عايزة تكون واحدة منهم بالقدر اللي تستحقه. الا انها عملت حفلة في مصر في اوائل الالفينات.

الاغنيات المفضلة : (Mon Amie la Rose, Aqaba, Bahlam, Ezzay, Mahlabeya)
8/10
Natacha Atlas - Gedida
1999
اسمع: https://open.spotify.com/album/45EMyiSabDPW0F6YFT7XH1