ايه هو راب السحابة اللي طلعنا ليها موسي سام ؟

موسي سام هو من فنانين الراب الصاعدين اللي بيطيروا بجناحين, جناح الشغف و جناح الابداع. الاسماعيلي الموهوب عنده شغف طول الوقت عشان يقدملنا الصوت الجديد الحالم, في السحابة. The First Egyptian Cloud Rapper.

اتولد في الجيل الصح - Born in the right generation 

موسي سام, اختصارا موسي و بيتكتب Mousv, اتولد سنة 1998 في الاسماعيلية, بدأ يراب و عايش عقد كان الاكثر ابداعا في تاريخ الهيب هوب, بداية من 2010, توفر وسائل بث الموسيقي المستقلة زي ساوند كلاود و باند كامب و 8tracks, سمح ببيئة غايب عنها الـhiphop heads  البيداجوجي pedagouge  و ساب المايك للشباب الصغير للابداع و التجريب و بثها علي السحابة الالكترونية. خصوصا الموسيقي الفردية او الcomputer synthesised و اللي ممكن الشاب يتعلم انتاجها و ينتج مزيكته بنفسه, زي الهيب هوب. 

اللي ادي لخلق سحابة من الاصوات الجديدة, المختلفة و الجريئة زي Death Grips, Clppng, Lil Ugly Mane و XXXtentacion. نظرا لصغر سن الشباب دي خلاهم نوعا ما يبعدوا عن ثيمات الهيب هوب التقليدية و العصاباتية و يعبروا عن همومهم و قلقهم و مشاكلهم النفسية, زيادة عن الpartying و سوء استعمال المخدرات. اشهرهم Yung Lean عضو Sad Boys, و ده اللي خلاهم في كتير من الاوقات يتصنفوا تحت اسم الemo rap, لكن كمان خدت المزيكا دي صوت حالم و سيكاديلي, و نظرا لكل العوامل دي اهلت السحابة دي انها تترقي الي لون فرعي جديد مشتق من الهيب هوب, كونها مزيكا حالمة تخليك تطير و بتلاقيها علي soundcloud, فاتسمت ال Cloud Rap.

OV

في سنة 2018 اصدر موسي الـdebut اول البوم له ميكستايب ov, تم تسجيلها علي فترات مختلفة اخذت طابع الخواطر بيعبر فيه عن كل اللي في عقله من هموم و قلق و مشاكل نفسية. الالبوم ده كان زي مثيله المصري "واحد واحد" هي Getting Off Chest ماكانش فيه مساحة لتقديم صوت instrumental مختلف لكن فقط التعبير عن الهموم, مشاكله مع امه و سوء تعاملها  معاه و اتهامه بمختلف التهم, زي "المثلية الجنسية"!

و جرعة من الغضب و السخط teen angst اللي يخليه اول اصدار emo rap مصري!

الميكستايب حصل علي إشادة من النقاد و المستمعين, "ده للي سمعه". رغم ان الميكستايب ده من اهم و ابرز الاصدارات في تاريخ مشهد الهيب هوب المصري, ظل موسي من المظلومين جماهيريا, لكن ده ما اثرش علي الشغف و الحماسة و الابداع اللي بيتعمل في المطبخ, و زي الاكلة الحلوة بتاخد وقت عالنار عشان تستوي, مع الوقت ريحتها النفاذة بتطلع و تحوم و بتجذب الجمهور, موسي بدأ يجذب الاهتمام و التقدير اللي يستحقه, لحد ما اصدر التحفة الحالمة, سحابة.

السحابة

من السينجلز اللي اصدرها موسي في 2020 و 2021 قدرت اتعرف علي ميوله للcloud rap, ده ظهر في تراك عدوية حاجة حالمة و ليها جو فضائي بيدعمه صورة غبار النجوم علي الcover, احسن استخدام الecho و ال multilayerd vocals ادالي شعور اني في وسط غبار كوني خلفه انفجار نجم او حاجة! 

في يوم 16 من شهر يونيو 2021, اصدر موسف البوم سحابة, بيبدأ بجو حالم و هادئ, كأنه في رحلة الي الفضاء بدون مهمة. 

مع استاكوزا بيبتدي الجو يضلم و الانتاج يبقي اكثر كثافة و زخم, بايس و هاي هيتس و keys بانتاج ترانسي من مهيمن mohaimen في تراك خباثة.  

السحابة من اكتر التراكات الـcatchy تعيشك في كوكب تاني و تقدر تـvisualize الـshooting stars اللي عملها مهيمن بالـsynthesizer.

اغنية تاروت percussion خماسي متأثرة من الموسيقي الافريقية بنسمعه في التراب الامريكي الجنوبي و التراب الافريقي و المغربي, و مسمعتش مصري بيعمله قبل كدة بصراحة.

مع وسواس بيبتدي الالبوم ياخد صوت Yung Leany سمعتها في الالبوم, قللت من الـreverbs في صوت موسي و وضحت صوت موسي. بيختم الالبوم تراك حلو اوي و هو غيوم.

في رأيي مهمين اتقن عمله علي اكمل وجه, عمل البوم instrumentaly حلو بس موسي عمل البوم كلاماتيا مش بنفس مستوي legacy ميكستايب OV. لكنه بلا شك من افضل الاصدارات السنادي.

7/10

4 اسباب تخلي "ويجز كي ار" من افضل الرابرز في الوطن العربي

١) خلق لغته المميزة

بين البلطجة اللغوية لكردي و MC Amin و بينما يحلق ابيوسف في مخيلته الابداعية. ويجز توصل لـlyrical approach مختلفة، بل خلق لنفسه لغة مميزة. لغة صايعة و شوارعية مابتهددش باكتر ما تقدر تعمله، مش مبالغة ،صادقة مش متكلفة. بنشوفها في "كدا كدا" و "بالسلامة"، melancholic و كئيبة اوقات, بدون تطرف او سوداوية في "ساليني" و "سكرتي". فخور بانتمائه لاسكندرية "سور الميناء" مش باسلوب مزعج زي باتيستوتا ..

من النقط اللي تضاف له انه مش بيفرط من راب "انا ب.. زي الـ.."، ويجز قدر ينفد بجلده من "الزيزية" لكن لسة فيه رابرز ممكن يحشوا التراك كله بالاسلوب المبتذل اللي بيوحيلي بقلة الحيلة الفنية.

 كما ان ويجز بالنسبة لـtrap artists تانيين هو اثري كلماتيا، و هو من الـlyricists المفضلين بالنسبالي.

٢) موهبة صوتية و تحكمات فريدة

ويجز وُهب بقدرة و موهبة صوتية ميزته بين كل المشهد المصري و العربي، من اول دقايق من "تي ان تي" لحد "اسياد البلد" مابيتأخرش انه يبهر جمهوره بتحكماته بصوته المذهلة. بينطلق من ٠ لـ١٠٠، مستغلا طبقة صوته الـhigh-pitched اللي ساعدته يخوض في عدة sub-genres زي ماسمعنا في جزيرة البطل.

٣) جزيرة البطل

كانت الـturnover بالنسبالي، شهادة علي موهبة و جدية ويجز .. فنان مش مجرد one hit wonder. 

و كانت "علي راحتي" و عبقرية دي چي توتي خلق مسار بسيط من snare drum, keyboard loop ؛ عشان ينطلق فيه ويجز بسرعة schumacher و يظهر موهبته الكلامية المثقولة في flow no one can resists. اظهر في التراك -اللي بعتبره من اعظم تراكات الهيبهوب اللي اتعملت في المشهد علي الاطلاق- شخصيته المميزة كما في "الزار" عن طريق اللغة اللي اتكلمنا عليه. و جرب الوان تانية و رام قصر طوله و قلة الخيارات المتاحة الا انه سمعنا فيه (هيبهوب، تراب و الr&b) من ضمن ep كان من افضل الاصدارات السنة اللي فاتت. 2019

٤) بيجرب اصوات كتيرة

و ده السبب ويجز عامل زي القبطان النشيط اللي مابيقدرش يستقر في جزيرة واحدة لوقت طويل، طول الوقت بيجرب اصوات مختلفة و تعاونات مع فنانين و منتجين مختلفين. ده اللي خلي عنده طيف من التراكات، اكتر "نسبيا"، متنوعة و eclectic في الاصوات و الالوان. من اول شكل مزيج للتراب-مهرجان في خربان مع السادات العالمي، الانتاج الـdecent و الـhigh-hats و الدرامز بتاعت dj totti، مزج التراب مع مهرجان ابو تلاتات في اللقطة انتاج وزة منتصر، الصوت الـfuturistic بتاع مولوتوف في بالسلامة، صوت الروك و الالكتريك جيتار في "واحد و عشرين" مقتديا بـKid Cudi و اخيرا اول و انجح تعاون مصري جزائري في اسياد البلد مع SavagePlug.

كل تلك الاسباب مع تلك الـeclecticity تجعل من ويجز اسم فريد في المشهد المصري و دي البداية بس؛ حتي الان يبدو ان ويجز في رحلة صبورة لايجاد صوته المميز انتاجيا، اللي يخليه مش بس فريد بين المشهد السكندري او الدلتا و لكن مميز بين القارات.

و انا مش شايف غير انه محتاج محتاج يخفف singles و يركز علي العلامة المؤثرة بين نفوس اولاد جيله، الmagnum opus، الرمز اللي يخلد اسمه بين الفنانين عالساحة حاليا و اللي لسة هيظهروا ؛تعمل قفزة في عمليتهم الفنية و الـapproach بتاعتهم.

و لحد اللحظة دي ما تيجي .. خمسة علينا

ليجسي يصدر "اجزخانة" لإزالة السمّية

سمعت ليجسي ،فنان التراب من طنطا، قبل كدة في "اتنين بليل". كانت اغنية موفقة جدا و عجبني الجو الـrelaxing و صوت السينث التمانيناتي المميز علي اقل بين فنانين التراب في المشهد المصري.

فتي "ابيوسف"

في الـep الاول اللي اصدره في ٢٠١٩، "191-181" واذا استثنينا "اخويا"، مش هنلاحظ فرق بينه و بين فنانين التراب من بقية فنانين المشهد. بالنسبالي اغنية "فتي الشاشة" كنت حاسسها "فتي ابيوسف" و حسيت أنه بيدور علي صوته الشخصي.

لكن السنة دي تميز ليجسي في الـep التاني "اجزخانة" من ٣ تراكات. و بدأ يحدد ملامح شخصية بينفرد بيها عن اي فنان اخر في المشهد.

اجزخانة

اولا: بينفرد ليجيسي بصوت الـlo-fi hip-hop اللي قليلين جدا في السين المصري بيلعبوه زي ما هو لعبه في "روشتة"، و هو لون من الوان الهيب-هوب الـinstrumental اللي بدأت من ٢٠١٠ علي يد المنتج الياباني Nujabes و منتج الهيب هوب الشهير Jdilla و تطورت علي ايدي الـproducers و الـbeatmakers علي الانترنت، بتتميز بجو مُرخي و tempo بطئ و تأثيرات من موسيقي الچاز من حيث بناء و الكوردات و في بعض الاحيان الارتجال زي ما حصل في "روشتة".

ثانيا: التميز و الفرادة دي مش بتكمن بس في لون التمانيناتي او الـdown-tempo ولا في الجو الكئيب الملنخولي لكن بالنسبالي ليجيسي مش مجرد فنان لكن شخصية مميزة بكل ما تحتويه موسيقاه من عناصر، زي الكلمات و الاختيارات الفنية.

ثالثا: بيشارك في السمة دي ابيوسف، و هي انه اوريجينال و بيكتب مزيكا لنفسه و الذاتية في الكتابة واضحة و متجلية. لكن بيختلف في "الاجزخانة" ،كما الاصدار الاول، بآلية التعامل مع الاكتئاب. علي عكس إستسلام ابيوسف للاكتئاب و المشاعر السوداوية في "واحد واحد"، ليجيسي بيرفض استمرار تدفق السموم في عروقه و بيواجه اكتئابه باعتزال ايا كان ما او من يسمّه.

مراجعة البوم "واحد واحد" لابيوسف

اعتزال كل ما يشعره بالسوء و الكرب، كالعلاقات السامة التي لا تجني لصاحبها سوي مزيدا من الاسي و السقم علي المدي الطويل. بيظهر ده في سطور موفقة جدا زي:

البداية بـ"بيتادين" في نقاء صوت, جودة وشطارة ليجيسي الانتاجية، يوصف علاقته السامة مع حبيبته السابقة:

"انتي بتباني و تختفي في لمح البصر

مش قريبه بعيده زي القمر

مفيش بيننا اي طريق مختصر

اتحكمت في كل حاجه الا الغضب

كل اللي قلته فضفضه

كل اللي سمعته كان صدا"

"بخاف انساكي بخاف انساكي بخاف اغيب

انا نسيت نفسي و منستكيش"

اغنية synthpop عادية قريبة من البوب-راب بتاع كانيي ويست في ye مع الجيتار التمانيناتي. ما عدا اللمسة الشرقية اللي ظهرت علي استيحاء في الـfadeout اخر الاغنية، مثيرة للاهتمام!

اهتمامي بيوصل ذروته في واحدة من افضل الاغاني تم اصدارها في ٢٠٢٠ بدون شك "روشتة" مع تون جيتار الچاز المرتجل، و انا فعلا مبسوط ان فنان من المشهد المصري اخيرا قرر يدي الجاز حقه في مزيكته، لان الجاز-هيبهوب -بعيدا عن الlofi- من اكتر الالوان الصاعدة مؤخرا.

"بس مش بزايد يلا بناقص

سحابه و نجوم لفوق باصص"

"ميه ميه كله بونو

جي جي زي tomorrow

بوسع وسع زي الافق

مهما يدورو يلفوا جوا الطرق

لا بلت ولا بعجن

ع الهادي مش مستعجل

ع الصامت انا بعمل

جينا الدنيا نتكعبل"

"فيه مساعده فيه شكراً

فيه وداع مفيش قبله

فيه انهرده مش بكره

مش هتيجي بالأوردر

عايز اسيب حجات تذكر"

"نشتري دماغنا نملكها

ملك ملك مش اجره

قافل قافل الاوكره"

"انا مصدر وش خشب خشب

مع الاندال مفيش ع الدغري

يمكن تحلي بكره تروقلي

و اجر كوكب علي تروللي

هتيجي لحد عندي لو مكتوبلي"

البايس عجبني فشخ في "كمادات" مع السينث المستلهم من الالعاب الـretro، و لاينات ليجيسي الفشيخة عن مظاهر تانية من السموم، زي الفلوس اللي بتيجي بالذل:

"مش عايز اركب Camaro و روحي تبقي ف الدواسة، تحت رجلي"

"الف شكر للاكتئاب، لحد هنا و اركن"

بيرفض استمرار المسيرة مع الاكتئاب اللي البعض بيزامله

علي مدار الـep اعجبت باداء الصوتي لليجيسي الا في الحتة الـhigh-pitched خصوصا في اخر "بتادين"، اللي شخصيا كنت افضل ان يتلعب بيها digitally، يتعمل ديستورشن او يعلي الـpitch بتاع صوته و "هو بيغني بطبيعته"، لاني شخصيا حاسس انه كان بيـscreech!

اصدار حلو في المجمل، بيتميز بكونسبت و جمالية فريدة "مصريا"، اتمني انه يطول علي شكل اصدار LP. و تأشيرة لفنان مصري criminally underrated للوصول للشهرة و المجد عن استحقاق. رغم عيوب الاصدار الا ان باعتباره مشروع فنان واحد عمل كل حاجة لوحده، عظيم!

Lege-Cy - Agzakhana EP (2020)

Trap, Lo-Fi Hip-Hop, Synthpop

3/5

ابيوسف - ١/١

"الاكتئاب هو مرض العصر"

-ستيفن لاردي

و لو العنف و التمرد هما الثيمتان الغالبتان في هيبهوب الثمانينات، فالاكتئاب هو الثيمة الرئيسة في العقد اللي فات.

من سنة ٢٠١٠ و تم اصدار جرعة من الاكتئاب و كراهية النفس زي Taboo لـDenzel Curry و Blond لـFrank Ocean و Igor لـTyler, the creator. و مع تصدر xxxtentacion و lil peep قايمة الـbillboard اتخذ العقد جو ملنخولي كئيب طوال العام.حتي فنانين الهيب-هوب العرب زي سندباد الورد لشب جديد و ١/١ لابيوسف.

بعضهم حاول يعبر عن معاناته بالسخرية زي Dizze Rascal و Danny brown في Atrocity Exhibition. الفكاهة و السخرية كانت علامة ابيوسف في مشهد الهيبهوب المصري، لكن في ٢٠١٨ مش قادر يشيل في صدره اكتر من كده.

"ده الواقع... حاف مايغركش الإستخفاف"

في البوم ١/١، ابيو بيفتح صدره و يحرر كل مشاعره الحبيسة و الكئيبة بكل امانة و صراحة و صدق.و كلما الصدق زاد كلما السواد ازداد غتمة و اريقت كلماته كئابة.

"هنا مش هتلاقي امل"

"إللي جاي أوحش أكيد "

"جوايا سواد أنا حايشه"

"مستني عزرائيل انا و مستعجل"

"لما بيخلص العسل يتبقي سمهم"

بكرهم كلهم كلهم كلهم"

"كنتي فين لما كنت عايز اموت ؟!"

"انا عايز اموت"

جرعة من كراهية النفس self-hatred، اطلاقه لنفسه نفس اللقب عدة مرات "الواد التلم".

"هنسي اني الواد التلم دوا"

جري العمر اللي بيتسرق زي الهوا

ما كانش المفروض اتولد من الاول"

ابيوسف طول عمره بالنسبالي الحالم المبدع صاحب الصور التجريدية الخيالية، محافظ علي الـrhymes بتاعته زي اللي بيمشوا عالحبل من غير ما يقع, و في نفس الوقت تفتح بقك من روعة الصور.

و ده اللي لفتني ليه و خلاني اعيد وجهة نظري في السين ككل من ساعة ديس تراك "اولويز بالاجنحة" و اغنية "سمير قميص" اللي قلت عنه صورة لنعمة الخيال الواسع و احلام اليقظة.

ده الـManic-depressive illness ذهان الهوس الاكتئابي زي ما بتسميه كاي جاميسون في كتابها "عقل غير هادئ"، او الـbipolar affective disorder اضطراب الثنائي القطبي زي ما يعرف عالميا. الاضطراب ده بيظهر بتجلي في اغنية "فين الدوا".

"قالتلي انت بوشين

قلتلها اه

وبكره الاتنين"

"بلاغي نفسي.. البرشام غير متاح

بقابل في المنام أشباح

الإكتئاب ده كفاح

ماظنش بالكلام برتاح

 غرقان بوجه عام.. سباح

انا متناقض"

"هنسي اني الواد التلم دوا

جري العمر اللي بيتسرق زي الهوا

ما كانش المفروض اتولد من الاول

فين الدوا ؟"

الدواء اللي بيدور عليه ابيو قد يكون "الليثيوم" و هو اشهر دواء بيتاخد عشان يقلل من حالات الهياج اللي بيعاني منها، سعيد و مزقطط شايف الحياة علبة الوان او مكروب و كئيب شايف الدنيا سواد.

امل

"إللي جاي أوحش أكيد فا ماببصش لقدام

أنا ببص تحت رجلي عشان دوست علي ألغام

ده بالضبط إللي أنا عايشه

جوايا سواد أنا حايشه"

امل ٢

"لو دلوقتي كان بها

عن ايامي انا في غنا

انا دماغي انا كدا

مش هتلاقي امل هنا"

كاي جاميسون في كتابها an unquiet mind كانت طول الوقت بتتكلم عن ارتباط الاضطراب ده بفنانين و ادباء عظماء عندهم قدرة ابداعية واسعة، انما ابيو عنده قدرة ابداعية خارقة.

بحترم جرأته و صراحته و قراراته الفنية بالتعاون مع زولي المغامر.

اتمني ان "ابيوسف" يكمل في نفس الطريق الجرئ و المجرب, يكسر حواجزإبداع. و يلهم العديدمن القنانين و الشباب.

لكن في نهاية اليوم

الاخصام: ١

ابيوسف: ٢

للرابر ‏اوجه ‏كثيرة ‏| ‏عن ‏الـalter ‎egos في ‏الهيب ‏هوب

رعد ؟! هكتور ؟! هيثم ؟ سنتياجو ؟

ليه ابيوسف بيختار الاسامي دي و ليه بيخترع الشخصيات المختلفة دي ؟

في الحقيقة هو اسلوب common بين فنانين الهيب هوب اسمه الـalter egos.

حيث ان الهيب هوب بيعتمد بشكل كبير علي العنصر الكلماتي و الحكي "الـstorytelling". فبيتخذ الفنان قرار فني لتوسيع خياله الإبداعي، عن طريق خلق شخصيات مختلفة بملامح و سمات مختلفة، بالتالي مشاكل و قصص مختلفة.

لكن قبل ما نتكلم عن شخصيات ابيوسف.

خلينا نتكلم عن شوية من اهم الalter egos في الهيب هوب.

1- Eminem - The Slim Shady و Marshall Mathers

و اللي يمكن معظمكم يعرفها شخصية the slim shady لـeminem في اغنية without me.

و شخصية اخري و هي marshall mathers و اصدر لكل شخصية فيهم اصدار حقق للشخص الاصلي نجاح مبهر. الفروق مابينهم صعبة شوية التوضيح لكن نقدر نقول ان

the slim shady: عنيف و حاد

marshall mathers: طبيعي

eminem: مابينهم في النص و شخصية ملهمة

2- Tyler, The Creator - Igor، Wolf Haley

تايلر مش وولف اطلاقا، حسب كلامه. وولف هو الشخص اللي نفسه تايلر يبقاه، الشخصية الشقية و الروشة بعيدا عن اكتئاب و قلق الاول.

السنة اللي فاتت اصدر البوم Igor بيدور حول شخصية إيجور المضطربة عاطفياً، و مابيقدرش يمنع نفسه من الوقوع في الحب.

3- Nicki Minaj - Roman Zolanski

نيكي ميناج خلقت كذا شخصية مستغلة خلفيتها التمثيلية في الجامعة منها شخصية باربي الفتاة البريئة و الساذجة، بعيدا كل البعد عن شخصية نيكي ميناج اللي في Anaconda، كمان شخصية رومان و هي مثلية بريطانية في صراع مع والدتها اللي شكلتها ايضا مخيلة ميناج.

4- Tupac Shakur - Makaveli

اخر البوم لايقونة الهيب هوب كان the don killuminati: 7 days theory اللي اصدر بعد اغتياله بشهرين، تحت اسم الكاتب البرجماتي الأشهر "نيكولو ميكافيلي"، لسخرية القدر كانت من نصائحه اللي ارسلها لامير فورينتينا ضمن وصاياه الشيطانية في كتاب "الامير". انه يشيع خبر وفاته عشان يخدع اعدائه.

ده السبب اللي ادي ظهور نظريات مؤامرة بتشكك في وفاة توباك، و انه ببساطة عايش في كوبا و زيف خبر وفاته للهروب من ضغوط العصابات.

5- MF DOOM - Madvillian, King Geedorah, Viktor Vaughn و شخصيات تانية

هعذرك لو اخدت وقت عشان تدرك ان MF DOOM هو DOOM هو King Geedorah هو Viktor Vaughn هو Madvillian هو Metal Face.

و ان كل الشخصيات دي مقتبسة اساسا من شخصيات القصص المصورة؛ لأنه DANIEL DUMILE

ALL CAPS..

Abyusif - R3d, Hysm, Mazen

انا شخصيا بلاقي صعوبة في التفرقة بين شخصيات ابيوسف لان بيغلب علي مزيكا ابيوسف حالات مابتطلعش برة الاربعة (الصياعة، الغرور، القلق و الاكتئاب).

مابيبذلش ابيوسف مجهود في الفصل بين الشخصيات و الحالات.

لكن اقدر اقول ان اكتر شخصية مميزة هي الشخصية اللي اصدرلها البوم سنة 2013 و ظهرت في YFGYY و هي رعد, شخصية قوية و مغرورة.

"مش ماسكين في بعض، باراتي.

ماسميش رعد عالفاضي"

مؤخرا اهتم ابيوسف بتشكيل شخصية جديدة اسمها "سنتياجو" و بتتميز بالهوية المكسيكية، في el puerto و Wala.

دي كانت essay تمهيدية لمراجعة YFGYY، من اهم اصدارات الهيب هوب مصريا و عربيا و علامة ملهمة في المشهد.

ترقبوها

Brand New Sub-genre of Hip-Hop came out in Egypt: A Rough guide Into Trap-Sha3by.

 What is Trap Sha3by ?  

 



Trap-Sha3by is a sub-genre of Trap Rap came out in Egypt by the new wave of producers and Hip-Hop artists. It's Southern Hip-Hop Music, which has gone viral through recent years by artists like Metro Boomin, Travis Scott and Future, characterized by its Egyptian Mahraganat influences especially rhythmic and percussional characteristics as well as the slang. Since both genres have similar artistic approach due to social circumstances, such as poverty, insecurities and drug abuse. So it could be described as a fusion of both genres. Mahraganat producer pioneers 'DJ Figo' and 'DJ Amr 7a7a' have the credit for the first attempts to invent 'Trap-Sha3by' in tracks which were released in 2018. '3ayez Fin' in Arabic:عايز فين featuring Trap artist 'Marawan Pablo' with the Mahraganat artist 'Sadat' A.K.A 'Sadat El Alamy' who also was featured in 7a7a's 'Kharban' In Arabic: خربان with Trap artist 'Wegz KR', where the production seemed amateur. The genre has kept evolving by more other producers and artists such as; (Molotof, Wezza Montaser and Marawan Moussa and others).

This brief description was written by Abdulrahman Gawad of Gawad's Music Reviews on 11/12/2020

Spotify Playlist on how to get into the new sound:

https://open.spotify.com/playlist/1T3kkHeMGFtqEbScIF70cy?si=maol5T5dTEOwnu14fSL-VQ